Prjónaferð til Skotlands með Helgu Jónu – kennt á íslensku | 18. – 25 maj 2027

KYNNING

Getur maður ímyndað sér eitthvað meira viðeigandi en að fara á prjónanámskeið í hinu stórbrotna Skotlandi? Landinu með fleiri kindur en fólk, einhverja bestu ull sem völ er á og langa hefð fyrir prjóni og ullarvinnslu í öllum sínum myndum. Þetta er skylduferð fyrir alla sem elska prjón og fallegt, innblásið umhverfi.

Annas Højskole hefur fengið til liðs við sig prjónahönnuðinn Helgu Jónu Þórunnardóttur sem mun halda kenna ýmsar aðferðir, til dæmis uppfitjanir, affellingar, kanta, hnappagöt, frágang og ræðum hvenær best er að nota mismunandi aðferðir. Einnig verður unnið með spennandi áferðir og leikið með mismunandi garntegundir og liti.

Þetta verður vika full af fínlegum smáatriðum og fallegum frágangi sem geta gert prjónlesið þitt enn fallegra, eitthvað sem orðið er einkennismerki Helgu Jónu, þar sem hún elskar að kafa ofan í öll smáatriði prjónsins. Eftir vikuna í Skotlandi kemur þú vonandi uppfull/ur af innblæstri fyrir næstu verkefni og með enn betri lykkjuskilning og þekkingu sem nýtist í framtíðarverkefnum.

Og svo höfum við fengið Sisse Skovbakke til liðs við okkur. Hún ætlar að deila með okkur gífurlegum áhuga sínum á Skotlandi og víðtækri þekkingu sinni á landinu. Í løpet af vikunni mun hún fræða okkur um Skota, ættflokkana, kilta og nokkuð stirt samband þeirra við England.

Við förum í ferð til einnar af stórborgum Skotlands, Edinborgar eða Glasgow, í heimsókn í textílverksmiðju og til New Lanark, fyrrverandi bómullarspunaverksmiðju sem er nú á heimsminjaskrá UNESCO.

Lýðháskólinn okkar er staðsettur á jaðri bæjarins Peebles í svæðinu The Scottish Borders. Svæðið er hæðótt og fjalllent. Þar eru bújarðir og skógar og stundum langt á milli þorpa. Sauðfjárbú taka hvert við af öðru og árnar River Clyde og River Tweed liðast í gegnum landslagið. Náttúran er græn, falleg og gróskumikil.

Á námskeiðinu búum við í fyrrverandi herragarði sem tilheyrði Ballantyne-fjölskyldunni, einum stærsta textílframleiðanda Peebles sem rak margar verksmiðjur og vefnaðarverkstæði á svæðinu. Húsið er nú nýuppgert hótel með björtum herbergjum á mörgum hæðum. Þar er einnig kaffihús, bar, fallegur garður með grasflötum og blómum ásamt notalegum setkrókum inni og úti, og staðurinn er miðsvæðis við enda aðalgötunnar. Eldhús skólans býður upp á góðan mat úr staðbundnu hráefni og við borðum flestar máltíðir á skólanum. Á kvöldin er boðið upp á tveggja rétta máltíð.

Peebles er notalegur bær með verslunum, kaffihúsum og nokkrum pöbbum. Þar búa um 10.000 manns og bærinn liggur við ána River Tweed, innan við klukkustundarakstur frá Edinborg. Peebles á sér langa og ríka sögu sem konunglegur kaupstaður og þar var umfangsmikil textílframleiðsla Suður-Skotlands stofnuð. Ótal ullarspunaverksmiðjur, vefnaðarhús og textílverksmiðjur gerðu svæðið auðugt á 19. og 20. öld.

Á sama tíma varð Peebles vinsæll heilsulindarbær sem yfirstéttin frá kolamenguðu stórborgunum Edinborg og Glasgow sótti til. Hún dvaldi á heilsuhótelinu The Hydro Hotel. The Hydro er enn starfandi og á námskeiðinu höfum við frían aðgang að spa-deild þess, þar sem eru bæði gufubað, sauna, líkamsræktaraðstaða og sundlaug, svo munið eftir sundfötunum!

DAGSKRÁ

Prjón í Skotlandi 18.–25. maí 2027

Dagur 1 – Þriðjudagur 18. maí

Brottför frá Keflavík með Icelandair kl. 10.00, komu til Edinborgar kl. 13.20.

Rútuferð til Peebles.

Koma til Peebles og skólans. Innritun í herbergi.

17.00: Kaka + kaffi/te og velkomin til Anna’s Højskole í Skotlandi með Sisse Skovbakken og Helga Jónu Þórunnardóttur.

19.00: Kvöldverður + kynning á þátttakendum.

Eftir kvöldmat er frjáls tími til að njóta umhverfisins og/eða koma sér fyrir í herberginu.

Dagur 2 – Miðvikudagur 19. maí

8.30: Morgunleikfimi og morgunsöngur með Sisse.

9.00: Morgunverður. 

10.00–12.30: Prjón – námskeið 1 með Helgu.

13.00: Hádegisverður á skólanum.

14.00: Gönguferð í og um Peebles sem á sér áhugaverða sögu. Við göngum einnig niður að ánni Tweed sem rennur í gegnum bæinn. 

15.30–18.00: Kaffi/te + kaka og Prjón – námskeið 2 með Helgu

19.00: Kvöldverður á skólanum.

20.00: Fyrirlestur „Highlights of Highland History” með Sisse Skovbakken.

Dagur 3 – Fimmtudagur 20. maí

8.30: Morgunverður og morgunsöngur.

10.00: Rúta til New Lanark, nesti tekið með. Leiðsögn og frásögn af verkamannasamfélaginu sem gamla bómullarspunaverksmiðjan myndaði frá miðri 18. öld.

14.00: Síðdegiskaffi/-te á The Mill Hotel’s Mill One Restaurant.

15.30: Haldið áfram með rútu til Calzeat.

16.00: Heimsókn til textílfyrirtækisins Calzeat í Symington þar sem við fáum leiðsögn.

18.00: Við keyrum aftur til Peebles.

19.00: Kvöldverður á skólanum.

20.00: Notaleg samvera, prjón og kvöldsöngur.

Dagur 4 – Föstudagur 21. maí

8.30: Morgunleikfimi og morgunsöngur með Sisse.

9.00: Morgunverður. 

10.00–12.30: Prjón – námskeið 3 með Helgu.

13.00: Hádegisverður á skólanum.

16.00–19.00: Prjón – námskeið 4 með Helgu.

19.00: Kvöldverður á skólanum.

20.00: Mary, eigandi garnverslunarinnar Wild Wool í Peebles, heldur fyrirlestur um framleiðslu og sölu á skosku garni.

Dagur 5 – Laugardagur 22. maí

7.45: Morgunverður.

8.30: Rúta til Edinborgar.

Við göngum saman fyrsta hluta leiðarinnar upp The Royal Mile. Að því loknu förum við hvert í sína áttina og finnum okkur sjálf hádegisverð í borginni. Áður en við höldum aftur til Peebles heimsækjum við prjónaverslunina Ginger Twist Studio.

15.30: Við keyrum frá Edinborg.

16.45–18.45: Prjón – námskeið 5 með Helgu.

19.00: Kvöldverður á skólanum.

20.00: Viskísmökkun á skólanum með viskísérfræðingnum John Lees.

Dagur 6 – Sunnudagur 23. maí

8.30: Morgunleikfimi og morgunsöngur með Sisse.

9.00: Morgunverður. 

10.00–12.00: Prjón – námskeið 6 með Helgu.

13.00: Hádegisverður á skólanum.

14.00: Frjáls síðdegi sem þú getur varið í fallega garði lýðháskólans, farið í sund og gufu á The Hydro, sem við höfum aðgang að, eða þú getur farið í göngutúr og skoðað Peebles nánar.

Kvöldverður er á eigin vegum í bænum (ekki innifalið í verði).

Að kvöldi er hægt að njóta samveru og prjóna í prjónastofunni.

Dagur 7 – Mánudagur 24. maí

8.30: Morgunverður og morgunsöngur.

10.30–12.30: Prjón – námskeið 7 með Helgu.

13.00: Hádegisverður á skólanum.

14.00–16.00: Prjón – námskeið 8 með Helgu.

16.00: Sýning á verkum vikunnar með tei og scones.

19.00: Lokakvöldverður.

20.30: Lokakvöld með skoskri hátíðarmáltíð og ceilidh, skoskum þjóðdönsum við lifandi tónlist.

Dagur 8 – Þriðjudagur 25. maí

Morgunverður og morgunsöngur.

Kveðjustund og brottför til Edinborgarflugvallar.

Brottför frá Edinborgar til Keflavík.

Brottför frá Edinborg með Icelandair kl. 14.15, komu til Keflavíkur kl. 15.50.

*Við áskiljum okkur rétt til breytinga.

STAÐSETNING

Námskeiðsstaðurinn og umhverfið

Lýðháskólinn okkar er staðsettur á jaðri bæjarins Peebles í svæðinu The Scottish Borders, sunnan við Edinborg. Svæðið er hæðótt og fjalllent og hluti af The Southern Uplands. Þar eru bújarðir og skógar og stundum langt á milli þorpa.

Sauðfjárbú taka hvert við af öðru og árnar River Clyde og River Tweed liðast um landslagið. Náttúran er græn, falleg og gróskumikil.

Gisting – The Park Hotel

Á námskeiðinu búum við í fyrrverandi herragarði sem tilheyrði Ballantyne-fjölskyldunni, einum stærsta textílframleiðanda Peebles sem rak margar verksmiðjur og vefnaðarverkstæði á svæðinu. Húsið er nú nýuppgert hótel, The Park Hotel, með björtum herbergjum á mörgum hæðum.

Í dag er The Park Hotel þekkt fyrir sögulegan sjarma sinn og sambland nútímaþæginda og klassísks stíls sem gefur gestum tilfinningu fyrir því að stíga aftur í tímann á meðan þeir njóta þæginda nútímans.

Hótelið er einnig með kaffihús, bar, bakarí og fallegan garð með notalegum setkrókum inni og úti. Hótelið er miðsvæðis við enda aðalgötunnar.

Um Peebles

Peebles er notalegur bær með verslunum, kaffihúsum og nokkrum pöbbum. Þar búa um 10.000 manns og bærinn liggur við ána River Tweed, innan við klukkustundarakstur frá Edinborg.

Peebles á sér langa og ríka sögu sem konunglegur kaupstaður og þar var umfangsmikil textílframleiðsla Suður-Skotlands stofnuð. Ótal ullarspunaverksmiðjur, ullarvefnaðarhús og textílverksmiðjur gerðu svæðið auðugt á 19. og 20. öld.

Á sama tíma varð Peebles vinsæll heilsulindarbær sem yfirstéttin frá kolamenguðu stórborgunum Edinborg og Glasgow sótti til. Hún dvaldi á heilsuhótelinu The Hydro Hotel og fór í gönguferðir til að njóta fersks lofts í fallegu hæðóttu umhverfinu.

The Hydro er enn starfandi og á námskeiðinu höfum við sem betur fer frían aðgang að spa-deild þess þar sem eru bæði gufubað, sauna, líkamsræktaraðstaða og sundlaug,  svo munið eftir sundfötunum!

18.5. Keflavík - Edinborgar - 10.00 - 13.20 (local time)

25.5. Edinborgar - Keflavik - 14.15 - 15.50 

*Við áskiljum okkur rétt til breytinga.